by ProMo Cymru | 14th Maw 2023

Mae ProMo-Cymru yn falch iawn i groesawu Lucy Palmer fel ein Cynorthwyydd Marchnata Digidol. Bydd yn ein helpu i siarad gyda mwy o bobl ifanc a rheoli ein presenoldeb cynyddol ar TikTok.

Cychwynnodd Lucy gyda ProMo trwy leoliad profiad gwaith wedi ei drefnu gan Go Wales (bellach  yn Career Confident) ar gychwyn 2022. Trefnodd ymgyrch wythnos o hyd ar y thema iechyd meddwl ar gyfer gwasanaeth y Sprout. Yna daeth yn aelod o staff yn cael ei thalu i weithio un diwrnod yr wythnos fel creawdwr cynnwys TikTok ac yn rhedeg TikTok y Sprout. Bellach mae wedi ei hapwyntio’n aelod llawn amser o staff ProMo.

Mae Lucy yn angerddol am ddefnyddio cyfryngau cymdeithasol i roi gwybodaeth a llais i bobl ifanc. Ar TikTok y Sprout mae wedi rhedeg sawl ymgyrch. Mae hyn yn cynnwys ymgyrch Pride Caerdydd: Mwy Na Mis a gafodd dros 3.6 miliwn yn gwylio. Mae hefyd wedi gweithio gyda’r YMCA i redeg ymgyrch yn hyrwyddo addysg a lleihau’r stigma o amgylch iechyd rhywiol. Prosiect arall mae wedi bod yn rhan ohono yw’r prosiect Ein Meddyliau Ein Dyfodol.

Croeso i’r tîm yn llawn amser Lucy!