Author Archives: Cindy Chen

1. Pobl Ifanc yn Llunio Gwasanaethau Iechyd Meddwl

   by Cindy Chen | 17th Ion 2020

   Mae ProMo-Cymru yn chwilio am sefydliadau i helpu hwyluso ymgynghoriadau gyda phobl ifanc i wella gwasanaethau iechyd meddwl sydd yn cael ei ddarparu ar eu rhan.

   Mae ProMo-Cymru a Hafal yn bartneriaid sydd wedi cyfuno ar gyfer y prosiect Youth Access yng Nghymru. Mae hwn yn brosiect sydd yn cael ei ariannu gan y Loteri Genedlaethol fydd yn cael ei gyflwyno ledled y DU dros bum mlynedd. Y bwriad ydy gwella gwasanaethau iechyd meddwl i bobl ifanc.

   

   Cyd-gynllunio

   Mae Youth Access wedi cyfuno 10 o sefydliadau ieuenctid ac iechyd meddwl dros y 4 cenedl. Bydd y prosiect yn dwyn ynghyd y bobl ifanc, gweithwyr iechyd meddwl a gwneuthurwyr polisi i gyd-gynllunio gwasanaethau iechyd meddwl a llesiant. Y gobaith yw y byddant yn ymateb yn well i anghenion pobl ifanc.

   Bydd y bobl ifanc yn gosod yr agenda fydd yn cael ei gydweithio gyda gweithwyr proffesiynol gan fynegi eu gweledigaeth am ddyfodol gwasanaethau iechyd meddwl a llesiant. Bydd y prosiect yn rhoi grym i’r bobl ifanc i gyflwyno’u gweledigaeth i’r rhai sydd yn gwneud y penderfyniadau, fel eu bod yn gallu arwain ar newid gyda’i gilydd.

   Mae’r prosiect yn bwriadu adeiladu ar fomentwm adroddiad ac argymhellion Cadernid Meddwl y Cynulliad (Gorffennaf 2018). Bydd pobl ifanc yn cyfarwyddo, dylanwadu ac yn ysgogi newid.

   Siarter Cenedlaethol

   Ym Mlwyddyn Gyntaf y prosiect y nod yw cyd-gynhyrchu Siarter Cenedlaethol i Gymru. Bydd hwn yn goso craidd egwyddorion a gwerthoedd ac yn llunio sylfaen y ffordd dylai ymatebion dilys a diffuant i anghenion iechyd meddwl pobl ifanc edrych a theimlo.

   Y gobaith yw bydd amrywiaeth o sefydliadau a gwasanaethau yng Nghymru yn ein helpu i hyrwyddo’r prosiect a chyd-hwyluso ymgynghoriadau. Rydym yn awyddus i ddysgu am eu profiadau a’u darganfyddiadau.

   Os oes gennych chi ddiddordeb yn bod yn rhan o’r prosiect, cysylltwch â Cindy Chen, Rheolwr Datblygu ProMo-Cymru ar cindy@promo.cymru am wybodaeth bellach.

2. Wyt ti’n 18-25 oed ac ar fin dechrau gwaith?

   by Cindy Chen | 25th Tach 2019

   Mae ProMo-Cymru’n gweithio gydag Ieuenctid Cymru ar brosiect ‘Youth Checkpoints’ ar ran y Gwasanaeth Arian a Phensiynau. Nod y prosiect yw rhoi cyngor a chefnogaeth ar faterion ariannol i bobl ifanc dan 25 oed.

   Mae ein gallu i reoli arian yn dda yn hanfodol i sicrhau ein hiechyd a lles meddwl bob dydd. Trwy ddysgu sut i ofalu am eu harian, bydd pobl ifanc yn ennill sgiliau pwysig fydd yn para’u hoes.

   Mae hwn yn brosiect cyffrous sydd yn ceisio dylanwadu ar ddyfodol y ffordd mae cyngor ariannol da, o ansawdd, yn cael ei ddysgu ar gyfnodau allweddol ym mywydau pobl ifanc.

   Rydym yn awyddus i ymgynghori gyda phobl ifanc 18-25 oed ledled Cymru, sydd ar fin cychwyn eu swydd gyntaf neu brentisiaeth.

   Byddwn yn cynnal grwpiau ffocws, lle bydd cyfle i gyfranogion drafod eu perthynas gydag arian, sut maent yn ei ddefnyddio, a pa mor wybodus ydynt yn ariannol.

   Caiff unigolion/sefydliadau eu had-dalu am eu hamser.

   Os oes gennych chi ddiddordeb, cliciwch yma i gysylltu â Cindy Chen am wybodaeth bellach.

3. MIEG – Llinell Gymorth Eiriolaeth Newydd i Drigolion Gwent

   by Cindy Chen | 24th Hyd 2019

   Mae gwasanaeth llinell gymorth eiriolaeth newydd i gefnogi pobl yng Ngwent yn cael ei lansio yfory (25 Hydref). Y bwriad yw i ddinasyddion ddeall eu hopsiynau a chael mwy o reolaeth ar benderfyniadau yn ymwneud â’r gofal cymdeithasol a’r gwasanaethau cefnogol maent yn derbyn eisoes, neu ei angen.

   Mae ProMo-Cymru wedi datblygu MIEG (Mynediad i Eiriolaeth Gwent) fel bod gan bobl sydd yn byw yn Nhorfaen, Blaenau Gwent, Caerffili a Sir Fynwy lais a dewis ar wasanaethau cefnogi gofal cymdeithasol (fel diffinnir yn y Ddeddf Gwasanaethau Cymdeithasol a Llesiant [Cymru] 2014). Bydd dinasyddion Casnewydd yn parhau i gael mynediad i eiriolaeth a chyngor gan Ganolfan Byw’n Annibynnol Dewis.

   

   Yn cyflwyno MIEG

   Bwriad MIEG yw bod yn borth galw cyntaf i bobl Gwent. Gellir cysylltu â’r llinell gymorth am ddim ar 0808 8010566 am wybodaeth, cyngor a chymorth yn ymwneud ag eiriolaeth. Yn agored Llun i Gwener, 10yb tan 3yp gyda thîm proffesiynol o Eiriolwyr Gynghorwyr medrus iawn ar y llinell Gymorth.

   Mae’r gwasanaeth yn agored i drigolion dros 18 oed yng Ngwent sydd angen cymorth i gael pobl i glywed eu barn, deall eu hopsiynau pan ddaw at y gwasanaethau cymorth a’r gofal cymdeithasol derbyniwyd, neu’n meddwl eu bod angen ac/neu eisiau mwy o reolaeth dros y penderfyniadau am eu gofal cymdeithasol a chymorth. Mae gofalwyr ac ymarferwyr yn gallu cysylltu â’r gwasanaeth hefyd.

   Pwy sydd yn rhan o hyn?

   Yn cael ei arwain gan Fwrdd Partneriaeth Ranbarthol Gwent, gyda chefnogaeth Rhaglen Eiriolaeth Edau Aur Age Cymru, rydym wedi defnyddio dull cwbl cyd-gynhyrchiol wrth ddatblygu’r llinell gymorth yma.

   Mae Age Cymru Gwent, Dewis CIL, Hyfforddiant Mewn Meddwl, NYAS Caerffili a’r sefydliadau Pobl yn Gyntaf ymhob Awdurdod Lleol, wedi bod yn bartneriaid pwysig yn y datblygiad yma.

   

   “Mae sicrhau bod pob trigolyn yn cael ei glywed yn hynod bwysig os ydym o ddifrif am drawsffurfio a gwella ein gwasanaethau iechyd a gofal cymdeithasol fel ei fod yn addas ar gyfer yr unfed ar hugain ganrif. Rydym yn ymwybodol bod y system gofal yn gallu bod yn orgymhleth ac nid yw’n hawdd iawn i drigolyn ddarganfod a chael mynediad i’r wybodaeth a’r gefnogaeth gall ei helpu orau bob tro. Mae gan eiriolaeth ran bwysig iawn i chwarae i sicrhau bod pob llais yn cael ei glywed – ac rydym yn cydnabod bod hwn yn wasanaeth pwysig sydd angen bod yn agored i bawb, ymhle a pan fydd ei angen.”

   Phil Robson, Cadeirydd Bwrdd Partneriaeth Ranbarthol Gwent.

   Sut gall MIEG helpu?

   Gall y tîm Llinell Gymorth helpu i:

   – Deall yr hyn sydd yn bwysig i’r galwr. Gwneud synnwyr o’u sefyllfa a’u hanghenion. Archwilio’r opsiynau pan ddaw at unrhyw anghenion gofal cymdeithasol/cefnogaeth sydd yn cael ei adnabod.

   – Mynediad i, a deall, unrhyw wybodaeth sydd yn berthnasol i’w sefyllfa. Deall sut i lywio unrhyw brosesau cynllunio, adolygu a gwneud penderfyniadau.

   – Cyrraedd y cyrchfan fwyaf addas mor sydyn ac effeithiol â phosib, bod hyn drwy gynrychiolaeth uniongyrchol neu gyfeirio/arwyddbostio i eiriolaeth broffesiynol annibynnol wyneb i wyneb, eiriolaeth arall, neu wasanaethau cefnogol eraill.

   Y buddiannau

   Mae’r fodel a’r llwybr yn unigryw; yn ogystal â helpu’r unigolyn, mae yn fuddiannau eraill hefyd:

   – Hyrwyddo dealltwriaeth eiriolaeth well a fwy eang

   – Cysylltu gyda chynulleidfa ehangach sydd yn golygu bod mwy o bobl yn derbyn eiriolaeth pan fydd angen

   – Hwyluso gweithio ar y cyd a rhwydweithio ymysg darparwyr gwasanaethau eiriolaeth

   

   “Mae ein profiad yn datblygu a chyflwyno gwasanaethau gwybodaeth, cyngor, cymorth ac eiriolaeth ar-lein a digidol, ynghyd â’n henw da yn gwerthfawrogi hawliau pobl, yn golygu ein bod yn ddewis perffaith i ddatblygu a chyflwyno’r gwasanaeth newydd yma er budd trigolion Gwent.”

   Stephanie Hoffman, Pennaeth Gweithredu Cymdeithasol ProMo-Cymru.

   Gwybodaeth bellach a deunyddiau argraffedig

   Os hoffech fanylion pellach neu os hoffech wneud cais am ddeunyddiau argraffedig Mynediad i Eiriolaeth Gwent (MIEG), ymwelwch â www.mieg.cymru, e-bost socialaction@promo.cymru neu cysylltwch â ProMo-Cymru ar 02920 462 222.

   Gellir lawr lwytho’r Strategaeth Eiriolaeth i Oedolion yng Ngwent yma

4. Ymgysylltu: Gwrando Ar Y Tenantiaid

   by Cindy Chen | 7th Awst 2019

   Yn ddiweddar bu ProMo-Cymru yn cefnogi dau brosiect gyda chymdeithasau tai blaenllaw yng Nghymru a’u tenantiaid.

   Dros y 6 mis diwethaf rydym wedi bod yn gweithio gyda Cadwyn a Chartrefi Cymoedd Merthyr (CCM) i adolygu sut maent yn ymgysylltu ac yn cynnwys tenantiaid.

   Llais y bobl

   Mae ProMo-Cymru yn credu mai’r ffordd orau i gyfathrebu gyda phobl ydy drwy osod eu llais wrth galon gwasanaethau.

   Prif bwrpas y prosiect gyda CCM oedd creu dialog gyda’r tenantiaid i adnabod a blaenoriaethu’r gweithgareddau neu wasanaethau sydd yn darparu’r gwerth cymdeithasol orau iddynt, a pa declynnau digidol defnyddiol gellir eu defnyddio gan CCM i wella cyfleoedd am ddialog.

   Roedd ein gwaith gyda Cadwyn yn edrych ar wella profiad cyffredinol y tenant – gan ddefnyddio trawsffurfiad digidol ac archwiliad fel bod y gwasanaethau yn dod yn fwy ymatebol i anghenion tenantiaid.

   

   Ein dull

   Wrth galon ein dull o weithio oedd gwrando ar denantiaid a gweithio gyda nhw i gyd-gynllunio datrysiadau.

   Siaradom wyneb i wyneb ac ar y ffôn gyda thenantiaid CCM a mapiwyd y strategaethau a’r prosesau presennol defnyddir gan CCM i ddarparu gwerth cymdeithasol i denantiaid a’r gymuned gyfagos. Roedd yr ymarfer mapio yma yn edrych ar y dulliau defnyddiwyd gan CCM i gyfathrebu gyda’i denantiaid, sut mae tenantiaid yn cyfathrebu gyda nhw, a sut roedd gwybodaeth yn cael ei rannu yn fewnol.

   Dull ProMo-Cymru o weithio ar yr adolygiad Cadwyn oedd i siarad a gwrando ar gymaint o denantiaid a staff i gael amrywiaeth safbwynt o gyfranogiad tenantiaid. Cawsom glywed sawl stori bersonol y tu ôl i ddarganfyddiadau’r Arolwg Boddhad Tenantiaid gyda chyfweliadau manwl.

   

   Gweithio gyda thenantiaid

   O ganlyn y gwaith ymgynghorol rhoddwyd awgrymiadau at ei gilydd i symleiddio gwybodaeth a phrosesau cymhleth sydd yn gallu bod yn rhwystr i’r defnyddiwr.

   Esiampl o hyn yw pan fum yn gweithio gyda grŵp o denantiaid Cadwyn i gyd-gynhyrchu animeiddiad byr yn egluro sut gallant gymryd rhan mewn cyfranogiad ac ymgysylltiad tenantiaid.

   Gyda’n cymorth a’n cefnogaeth ni, drafftiodd y tenantiaid sgript roeddent yn teimlo bydda’n cael ei ddeall yn hawdd gan bawb, wedi’i ysgrifennu mewn ffordd oedd yn apelio atynt. Ymunodd un o’r tenantiaid gyda ni yn y stiwdio recordio i recordio’r troslais ar gyfer yr animeiddiad. Teimlodd bod hyn yn “brofiad gwych”.

   

   Beth gall ProMo-Cymru ei wneud ar gyfer cymdeithasau tai

   Edrychwn ymlaen at barhau’r gwaith yma gyda mwy o gymdeithasau tai fel eu bod yn cynnwys eu tenantiaid wrth gynllunio, trosglwyddo a gwella gwasanaethau.

   Rydym yn brofiadol mewn ymgysylltiad digidol. Rydym yn credu mewn cyd-gynllunio gwybodaeth glir a llwybrau cyfathrebu gyda’n cleientiaid a’r bobl maent yn gweithio â nhw. Rydym yn canolbwyntio ar gynhwysiad, hygyrchedd a llais.

   Gallem weithio gyda chi i:

   – Trawsffurfio diwylliant sefydliadol, systemau, prosesau i wella profiad y cwsmer

   – Cysylltu gyda thenantiaid, deall yr hyn sydd yn bwysig iddynt a chaniatáu i’w barn lunio gwasanaethau

   – Cyfathrebu yn effeithiol yn ddigidol, darparu tenantiaid gyda gwybodaeth o ansawdd yn ogystal â chasglu adborth cyfredol rheolaidd fel rhan o welliant parhaol
   

   I ddarganfod mwy, cysylltwch â nathan@promo.cymru.

5. Ymgynghori Effeithiol Gyda Chymunedau Lleol

   by Cindy Chen | 21st Maw 2018

   Wyddoch chi fod posib comisiynu ProMo-Cymru i helpu chi i ymgynghori ag aelodau’r gymuned leol? Rydym yn arbenigwyr yn cyfathrebu a chysylltu gyda gwahanol grwpiau targed. Gallem ddarganfod eu hanghenion a chynnig ffyrdd i greu newid positif. Gadewch i ni leddfu’r boen o ymgynghori.

   Dyma’n union y gwnaeth Buddsoddi Lleol Ynysowen yn ddiweddar. Cawsom ein comisiynu i ymgynghori gydag aelodau o’r gymuned yn Aberfan, Ynysowen a Bryn Hyfryd.

   

   Beth ydy Buddsoddi Lleol?

   Mae Buddsoddi Lleol yn rhaglen o arian a chefnogaeth 10 mlynedd ar gyfer 13 o gymunedau ledled Cymru. Mae’n cael ei ariannu gan Gronfa’r Loteri Fawr ac yn cael ei reoli gan yr Ymddiriedolaeth Adeiladu Cymunedau (BCT). Mae’n gyfle i bawb sydd yn byw yn y cymunedau yma i’w wneud le gwell i fyw. Bydd pob ardal yn derbyn £1miliwn i wario ar flaenoriaethau lleol dros y 10 mlynedd nesaf.

   Felly mae pob cymuned yn penderfynu sut i ddatblygu’u hardal. Byddant yn penderfynu sut i ddefnyddio’r arian, pwy hoffant weithio â nhw, a sut mae penderfyniadau yn cael eu gwneud.

   Sut ymgynghorom?

   Yn ehangu ar ymdrechion ymgysylltu blaenorol, defnyddiodd ProMo-Cymru ddull dwybig ar-lein ac all-lein. Defnyddiwyd y dull yma i gysylltu gyda mwy o aelodau’r gymuned a chlywed eu barn.

   Cafodd holiadur ar-lein byr ei greu a’i hyrwyddo’n drwm ar Facebook. Cysylltwyd â grwpiau a thudalennau yn Aberfan, Ynysowen a Bryn Hyfryd. Yn ogystal â hyn, e-bostiwyd gweithwyr proffesiynol perthnasol.

   Canmolwyd hyn gydag arolygon wyneb i wyneb ar y stryd. Cyflawnwyd hyn ar wahanol ddiwrnodau dros gyfnod o dri mis. Siaradom gyda pherchnogion busnes, preswylwyr, rhieni, plant, grwpiau cymunedol ayb. Cynhaliwyd sesiwn grŵp ffocws i gael darlun mwy manwl hefyd.

   

   Y cam nesaf?

   Bydd ProMo-Cymru yn casglu’r holl ddarganfyddiadau ac yn dadansoddi’r data i greu adroddiad crynodeb byr. Bydd yr adroddiad cryno yma yn tynnu’r data pwysig o’r ymatebion ac yn cyflwyno hyn mewn ffordd hawdd i’w ddeall. Byddem hefyd yn cynnig awgrymiadau i’r Grŵp Llywio i’w caniatáu i wneud penderfyniadau gwybodus ar y ffordd gorau i symud ymlaen.

   Os hoffech fanylion pellach am ddefnyddio arbenigedd ProMo-Cymru i ymgynghori gyda’r cyhoedd, yna cysylltwch am sgwrs a phris. E-bostiwch Cindy Chen, Rheolwr Datblygu, ar cindy@promo.cymru.

   ---

   Mae popeth yn cychwyn gyda sgwrs

   

   Mae ProMo-Cymru yn gweithio tuag at greu newid positif a pherthnasau parhaol rhwng unigolion, teuluoedd a chymunedau. Rydym yn darparu datrysiadau arloesol a chreadigol gyda sgyrsiau ystyrlon a thechnoleg ddigidol. Os hoffech drafod sut gall ein Model TYC helpu eich sefydliad yna cysylltwch.

   029 2046 2222
   info@promo.cymru
   @ProMoCymru

6. Datblygu Cymunedau Mentrus yng Nghymru

   by Cindy Chen | 24th Ion 2018

   Mae ProMo-Cymru yn cefnogi cymunedau yng Nghymru i ddatblygu atebion mentrus fydd yn buddio’u hardal leol.

   Mae Atebion Mentrus yn rhaglen tair blynedd wedi’i ddatblygu gan DTA Cymru (Cymdeithas Ymddiriedolaethau Datblygu) gydag arian Cronfa Loteri Fawr. Mae’n rhaglen cefnogi ‘cyfoed i gyfoed’ wedi’i arwain gan ymarferwyr sydd yn helpu 100 o gymunedau i weithredu a dod yn fwy mentrus a gwydn.

   Bydd y rhaglen yn caniatáu i bobl ddatblygu sgiliau menter. Bydd yn gymorth gyda hyder, hunanddibyniaeth a bod yn gysylltiedig. Y bwriad ydy cefnogi grwpiau i gychwyn mentrau newydd ac i ddatblygu datrysiadau lleol sydd yn gallu creu incwm a bod o fudd i’r ardal leol.

   

   Prosiectau dan ddatblygiad

   Mae Cindy Chen, Swyddog Datblygu yn ProMo-Cymru, yn un o gydlynwyr y prosiect, yn gweithio yn ardal Caerdydd a Bro Morgannwg. Mae Cindy yn cysylltu gyda grwpiau cymunedol yng Nghaerdydd a’r Fro sydd â diddordeb mewn datblygu syniadau mentrus. Ar hyn o bryd mae Cindy yn datblygu’r prosiectau canlynol:

   • Eglwys Saron, Treoes – datblygu festri i mewn i leoliad gyda’r potensial o gynhyrchu incwm
   • Grassroots, Caerdydd – sefydlu marchnad gymunedol i werthu eitemau a gwaith creadigol wedi’i roddi.
   • VSC Cymru – cynhyrchu incwm gyda gorsaf radio cymunedol sy’n cael ei redeg gan wirfoddolwyr
   • Ymddiriedolaeth Neuadd Llanrhymni – datblygu neuadd chwaraeon cymunedol

   “Mae’r grwpiau dwi’n eu cefnogi yn rai amrywiol iawn o ran natur ond mae pob un yn llawn gyriant, egni a syniadau mentrus,” meddai Cindy.

   “Y peth gwych am y rhaglen Atebion Mentrus ydy ei fod yn caniatáu i mi ymestyn allan a chefnogi sawl grŵp cymunedol gwahanol mewn ffordd cyd-gynhyrchiol.”

   

   Datblygu menter gymunedol

   Ydych chi’n grŵp cymunedol yn y camau cychwynnol o sefydlu prosiect menter gymunedol?

   Oes gennych chi syniad arloesol i ddatblygu cyfle mentrus?

   Gallem eich paru gydag arbenigwyr fydd yn gallu rhoi cyngor ac arweiniad i chi.

   Mae hwn yn gyfle gwych i ddysgu gan eraill sydd â phrofiad, gan y rhai sydd wedi sefydlu a chael profiad ymarferol o redeg menter gymdeithasol.

   Os ydych chi’n grŵp cymunedol wedi sefydlu yng Nghaerdydd neu Fro Morgannwg sydd â diddordeb, cysylltwch â Cindy am fanylion pellach ar cindy@promo.cymru.

   ---

   Mae popeth yn cychwyn gyda sgwrs

   

   Mae ProMo-Cymru yn gweithio tuag at greu newid positif a pherthnasau parhaol rhwng unigolion, teuluoedd a chymunedau. Rydym yn darparu datrysiadau arloesol a chreadigol gyda sgyrsiau ystyrlon a thechnoleg ddigidol. Os hoffech drafod sut gall ein Model TYC helpu eich sefydliad yna cysylltwch.

   029 2046 2222
   info@promo.cymru
   @ProMoCymru

7. Cyfweliad Model TYC: Richard Thomas Llais a Dewis Pen-y-bont ar Ogwr

   by Cindy Chen | 9th Tach 2017

   Llais a Dewis Pen-y-bont ar Ogwr ydy’r prosiect cefnogaeth ac eiriolaeth annibynnol leol ar gyfer Pen-y-bont ar Ogwr. Mae Cyngor Bwrdeistref Sirol Pen-y-bont ar Ogwr yn cefnogi’r gwasanaeth.

   Rydym wedi rhannu ein stori am ein rhan yn creu Llais a Dewis Pen-y-bont ar Ogwr y mis diwethaf. Dyma gyfle Richard Thomas o Gyngor Bwrdeistref Sirol Pen-y-bont ar Ogwr i adrodd yr hanes. Richard ydy Swyddog Comisiynu Strategol yn y Gyfarwyddiaeth Gwasanaethau Cymdeithasol a Llesiant.

   

   O ble daeth y syniad am y prosiect Llais a Dewis? Pa ganlyniad oeddech chi’n gobeithio’i gyflawni?

   Cafodd Llais a Dewis Pen-y-bont ar Ogwr ei gyd-gynhyrchu i ymateb i’r angen statudol i sicrhau bod gan bobl sydd yn defnyddio gwasanaethau cymdeithasol ym Mhen-y-bont ar Ogwr, neu eu gofalwyr, fynediad i Eiriolwr Proffesiynol Annibynnol pan fo angen. Roedd y cyngor eisiau sicrhau bod y gwasanaeth eiriolaeth yn gynhwysol ac yn hygyrch i bob grŵp o gleientiaid. Rydym wedi buddio o gefnogaeth y Rhaglen Eiriolaeth Golden Thread yn cefnogi gweithdy hapddalwyr ble cytunwyd ar y model ‘gwasanaeth canolog a gwasanaethau cysylltiedig’ (hub & spoke). Prif nod y model yma ydy darparu un pwynt mynediad sydd yn gallu cyfeirio pobl cymwys at y gwasanaeth eiriolaeth fwyaf addas.

   Beth ydy rôl ProMo-Cymru yn y prosiect yma?

   Mae ProMo-Cymru yn darparu’r Both Gwybodaeth Eiriolaeth ar gyfer gwasanaeth Llais a Dewis Pen-y-bont ar Ogwr. Golygai hyn darparu llinell gymorth ddwyieithog sydd yn agored 16 awr y dydd, yn ogystal ag opsiynau neges testun a negeseuo ar-lein. Mae ProMo-Cymru hefyd yn cefnogi’r cysylltiad cyfathrebol i’r gwasanaethau eiriolaeth leol sydd yn derbyn y cyfeiriadau priodol.

   

   Pa werth mae ProMo-Cymru wedi’i ychwanegu i’r prosiect yma?

   Mae gan ProMo-Cymru ymwybyddiaeth strategol wych o eiriolaeth yng Nghymru, yn enwedig i blant a phobl ifanc. Er mai i oedolion mae’r gwasanaeth Llais a Dewis Pen-y-bont ar Ogwr, mae’r wybodaeth helaeth am eiriolaeth plant a phobl ifanc yn gryfder ychwanegol. Mae gallu technegol ProMo-Cymru i gefnogi swyddogaeth Both y gwasanaeth Pen-y-bont ar Ogwr yn gryfder arall. Mae ProMo-Cymru yn gydweithwyr parod sydd yn creu partneriaeth aml-asiantaeth llawer mwy effeithiol.

   Fedrwch chi ddisgrifio eich profiad yn gweithio gyda ProMo-Cymru?

   Mae ProMo-Cymru wedi bod yn greadigol ac yn flaenweithgar yn cysylltu gyda phartneriaid lleol o fewn y gwasanaeth Llais a Dewis Pen-y-bont ar Ogwr a darparwyr gwasanaeth cyswllt eraill. Mae ganddynt werthoedd cryf yn hyrwyddo datrysiadau cymunedol sydd yn apelio i gomisiynwyr gwasanaeth cyhoeddus.

   

   Sut ydych chi’n credu gall y model TYC fuddio gwasanaethau sector cyhoeddus eraill?

   Mae model TYC ProMo-Cymru yn darparu datrysiad cost-effeithiol iawn i alluogi’r sector cyhoeddus gysylltu gyda’i gynulleidfaoedd targed. Mae’r amrywiaeth o ddulliau cysylltu â thechnolegau defnyddir yn cynnig model gwasanaeth cadarn a dyfodol-gyfeillgar sydd yn caniatáu cysylltiad gyda gwasanaethau cyhoeddus yn y ffordd fwyaf hygyrch a rhyngweithiol bosib.

   ---

   Mae popeth yn cychwyn gyda sgwrs

   

   Mae ProMo-Cymru yn gweithio tuag at greu newid positif a pherthnasau parhaol rhwng unigolion, teuluoedd a chymunedau. Rydym yn darparu datrysiadau arloesol a chreadigol gyda sgyrsiau ystyrlon a thechnoleg ddigidol. Os hoffech drafod sut gall ein Model TYC helpu eich sefydliad yna cysylltwch.

   029 2046 2222
   info@promo.cymru
   @ProMoCymru